تعبت اكابد حسرة الصمت وابوح **** تعبت اجاهد صحوتي يامباتي
اقاوم امواج البحر في درق لوح **** انذر لجل فقري وحزني غناتي
تبت يدين احلامنا ضحكها نوح **** سحقا لبعض افراحنا حين تاتي
فعلا عرفت ان الفرح ينثر جروح **** لا صار بقدومه رحيل امنياتي
مديت كفي للزمن من دون مصلوح **** كفيت كفي وامطرت ذكرياتي
كني لغدر ايامنا دم مسفوح **** تفرح لتعذيبي وتكره نجاتي
والعشقه اللي تروي الصدر وتروح **** بظلالها يخضر ويورق نباتي
انسج لها في عالمي كل ممدوح **** وان جيت اجمعها سعت في شتاتي
بغيت اقول وقالت الوضع مشروح **** واقفت وانا حزني يسابق مماتي
مع السلامه وانتي اقرب من الروح **** اودعك وانتي مقيمه بذاتي
2/6/2008, 10:43 pm
